Arabako paduren bisita honekin urriari amaiera eman nahi izan diogu. Padura hauetara joan izan garenetan nahiko eguraldia txarra egin zigun, beraz atzoko bisitan, nahiz eta lambro mehe bat egin, asko disfrutatu genuen.
Lehendabizi Mendixurreko parke ortinologikora abiatu ginen. Kaskabeltza izeneko behatokitik lertxuntxo handi bat, antzara taldetxo bat, ehunka ahate (basahateak, ipar-ahateak, ahate mokozabal, murgilari arrunt eta kopetadenak) eta kopetazuri, zikoinak, dozenaka ubarroi eta murgil handiak eta txilinporta pare batzuk ikusi genituen. Leku ederra da goiz bat lasaitasunez disfrutatzeko, Gazteiztik nahiko baztertuta baitago. Hara joateko modurik bakarra kotxea denez jende gutxi ikusi ohi da, Salburuako parkean ez bezala.
Salburuako parkean ere hegazti ugariez difrutatu genuen, espero zitekeen moduan. Bazkalorduan eman genuen bueltatxo bat eta gure gainetik hegan egiten bi kurrilo arrunt ikusi ahal izan genituen, gure gozamenerako.
Hemen lagatzen dizkizuet bisita honetan eginiko argazkiak:
Lertxuntxo handia/Garceta grande
Mendixurreko parke ornitologikoa/parque ornitológiko de Mendijur
Murgil handia/somormujo lavanco
Zikoina/cigüeña blanca
Txilinporta txikia/zampullín chico
Escribano palustre
Kurrilo arrunt/grulla común
iruzkinik ez:
Argitaratu iruzkina