Txorien mundua: azaroa 2014

2014(e)ko azaroaren 9(a), igandea

Le Teich

Le Teich, parke ornitologikoa

Nahiz eta parkean sartzearren ia zortzi euro ordaindu (SEO elkarteko bazkidea bazara beherapentxo bat egingo dizute), merezi du haraino joateak, Donostiatik bi ordu eta erdiko bidaia egin behar da. Hegaztiak ikusiko ditugula zihurtatuta daukagu eta asko behatokitik oso gertu argazki oso onak nahi adina egiteko, horregatik bakarrik edonori gomendatuko nioke parke hau bisitatzea. Hogei behatoki jarrita dituzte leku aproposetan eta nola frantsesak oso isilak izan ohi diren, txorien munduetaz asko eta lasaitasunez disfrutatu dezakegu.

Parkean sartzeko, aipatu dudan bezala, ordaindu behar da eta horrek jende gutxiago egoteak dakar. Parke osoari buelta emateko erraz bi ordu beharrezkoak dira, baina behatokietan hogei minutu - ordu erdi gutxienez patxadaz ibiltzea gustatukoa baduzu eraman ezazu ogitarteko edo hamaiketakoren bat ze egun osoa pasatzea ez litzateke arritzekoa izango. Era berean gomendatuko nizuke noizbehinka erlojuari so egitea ze parkearen itxiera orduarekin nahiko zorrotzak direnez bertatik atera ezinean egoteko arriskua dago.

Nola iritsi hara?

Baiona bordeaux A-63 autopistatik joanda 22.irteera hartu Arcachon herriruntz, A-660 autopista, handik kilometro gutxira 3. irteera hartuko dugu, Le Teich adierazitako irteeran. 22. irteerako kartelan "Le Teich park ornitologike" hitzekin seinalatuta ikusiko dugu. Behin Le Teich herria zeharkatuz eta trenbide pasabide bat pasa eta gero berehala iritsiko gara parke ornitologikoaren aparkalekua portu baten aldamenean.

Bertan egindako argazki batzuk:

Istingorra

Basahatea

egabehera

Mokozabala

Hankaluzea

Martin arrantzalea

Murgilari handia

Antzarak

Zikoina txuria

2014(e)ko azaroaren 8(a), larunbata

Plaiaundiko parke ekologikoa

Esan dezakegu Txingudiko badia eta zehazki Plaiaundiko parke ekologiakoa hegaztiak ikusteko Gipuzkoako lekurik aproposena dela, ezin hobeto kokatuta baitago hegaztien migrazioen bidean. Pirinioetako hesia saiezteko txori mota askok hegoalderako zein iparralderako norantzan bide hau hartzen dute. Parke bisitatzeko garairik aproposenak irailetik azarora eta martxotik maiatzera doazen denboraldiak dira. Alabaina edozein momentu ona izan daiteke hegaztietaz disfrutatzeko.

Parque ekológico de Plaiaundi

Podemos decir que la bahía de Txingudi y más concretamente el parque ecológico de Plaiaundi es lugar más idóneo para ver aves acuáticas, ya que esta situada en un punto estratégico en la migración de éstas. Para evitar la barrera pirenaica tanto en la migración postnupcial y prenupcial toman este paso. Los meses más idóneos para hacer una visita al parque son los que van de septiembre a noviembre y de marzo a mayo. De todas formas cualquier época es buena para disfrutar de las aves.

Nola iritsi hara?

Donostia- Frantzia elkartzen duen GI-636 errepidetik autoarekin joanda Irun hiria inguratzen duen tartean eta Hondarribiko irteera pasa eta berehala Plaiaundi parke ekologikora joateko kartel marroi handi batekin topo egingo dugu, kontrako norantzan ere halako bat ere badago. Nahiko ondo seinalatuta dagoenez ez dago galtzeko arriskurik. Segituan aurkituko ditugu autoa lagatzeko aparkaleku handi xamar bat eta horren ondoan interpretazio zentroa. Kontuz aparkalekuaren ordutegiarekin, udan arratsaldeko 19:00retan eta neguan 18:00retan ixten dute eta, beraz gomendagarria izan daiteke aparkalekutik at lagatzea autoa. Behatokiak goizeko 10:00tan irekitzen dituzte eta iluntze aldera arte zabalik daude. Hala ere, ordutegi horietatik ere kanpo Itsasberriko inguruan eta ur-gezako paduran hegaztiak ikus daitezke.

Urte osoan zehar ikus daitezkeen hegazti batzuk:

txilinporta txikia

Basahatea (anas strepera)

Martin arrantzalea

Ubarroia

kaskabeltza

Kuliska txikia

Uroilandi handia (rallus aquaticus)

txirri arrunta

Kopetazuria (fulica atra)

Uroiolo arrunta (gallinula chloropus)

txirritxo handia (chradis hiaticula)

kuliska zuria

Kaio hankahori

Lertxuntxo txikia (egretta garzetta)

Lertxun hauskara (ardea cinerea)

buztanikara txuria

antxeta hankagorri

Murgilari mottodun (athya fuligula))

Harri-iraulari

Arrano arrantzalea (pandion haliaetus)

Udan:

Amiltxoria (nycticorax nycticorax)

Neguan:

Mokozabala (platalea leucorodia)

Hegabera (vallenus vallenus)

Eider

2014(e)ko azaroaren 2(a), igandea

Mendixur eta Salburuako padurak

Txoritxoa non, anteojuak han.

Arabako paduren bisita honekin urriari amaiera eman nahi izan diogu. Padura hauetara joan izan garenetan nahiko eguraldia txarra egin zigun, beraz atzoko bisitan, nahiz eta lambro mehe bat egin, asko disfrutatu genuen.

Lehendabizi Mendixurreko parke ortinologikora abiatu ginen. Kaskabeltza izeneko behatokitik lertxuntxo handi bat, antzara taldetxo bat, ehunka ahate (basahateak, ipar-ahateak, ahate mokozabal, murgilari arrunt eta kopetadenak) eta kopetazuri, zikoinak, dozenaka ubarroi eta murgil handiak eta txilinporta pare batzuk ikusi genituen. Leku ederra da goiz bat lasaitasunez disfrutatzeko, Gazteiztik nahiko baztertuta baitago. Hara joateko modurik bakarra kotxea denez jende gutxi ikusi ohi da, Salburuako parkean ez bezala.

Salburuako parkean ere hegazti ugariez difrutatu genuen, espero zitekeen moduan. Bazkalorduan eman genuen bueltatxo bat eta gure gainetik hegan egiten bi kurrilo arrunt ikusi ahal izan genituen, gure gozamenerako.

Hemen lagatzen dizkizuet bisita honetan eginiko argazkiak: